[MEC1907] Member angia awpata Hruana

Dear Krista liata Unaw sitano zydua,

MEC nata a zaopa thati zydua he Maraunaw nata Marathati yahoogroups liata ro typa cha ta MEC acha leipa hlupi member ama ngiana su acha vata a ry thai leina hlupi a y. He he ta chyhsa hlupi pathiepalo paty pama ta, Phupy shakha nata sakha (Ground level) likaw ta a hmochhina zy taita a patlosa.

Chavata MEC sahlao zydua azaona nata thati a pahnosa nawpa cha ta mec1907@yahoogroups.com he paduapa acha. He he MEC nopawpa zy tawta pachhua panopa acha vata MEC sahlao zydua he su liata member nama vaw ngia khai bei awpa ta pahnosapa nama cha. MEC thati zydua he su lia ngala ta roh ty ba awpa acha vata, member angia ma leipa nama viasa MEC sahlao zydua hnota tha nama patheisa chyu awpa ta pahnosapa nama cha.

Member angia khopa zy a ry liata email ID lata member cha a hia theipa acha.

1. Member a cha chihpa tawta member angia khopa zy : mec1907@yahoogroups.com
or
2. Direct ta member acha khopa zy : chou.nawlaipaw@gmail.com

MEC Yahoogroup vyupata,
Cho U
_______________

He group nata azaopa thati siaviapa:

Dear MEC member zydua,

Beichaipa Zisu Krista Moh ta Krismas Chibaih ei cha bu ei. Zawba 8:7 liata “Athaona liata chyhta hra la, achhana lata cha lai tlo aw chi ta,” a tahpa hawhta Mara Awnanopa he athao no ta cha chyhta hrasala, atahma deikua cha Awnanopa ahneituhpa Zisu Krista
vata a vaw lai kaw ba hra.

1. 1907-1966 taih heta cha Mara awnanopa cha Marara lia deita ta padua theipa a cha. Marapa khih zudua liata MEC padua theipa a cha, tahsala, reichheitu aw vana.

2. 1966 tawhta cha Mission Chakao hnei pathaopa cha ta, Burma rah chhoh Marara khotho la liata chhao Mara awnanopa ta thlahpa sawzy a hnei pathao haw. A eih viapa chaita chazy cha Khumi, Lemro, Myo-Khami, Mru, Asho nata Chinpone Area zy liata thatihpha chhona tawhta “amo chipho mohta Marapa cha awnanopa paduana rai a vaw hria.

2. 1980 khola ta cha Khihpi Mara Awnanopazy paduapa vaw chata, Marapa sawhkha raihriapazy pahranaa Yangon, Paletwa,
Matupi, Mindat, Kampelet, Thatla, Hiakha, Kalaymyo, Sittway…hpz liata MEC awnanopa padua lymapa a vaw cha haw.

3. 2000 khola deikua cha Myanmar rah chhoh deita cha khao leipata Rah hropa lata chhao Marapa raihriapazy, khihsapazy nata achunapazy ama vaw y lyma hawpa vata MEC local church padua pathaopa avaw cha lyma. MEC awnanopa padua hlata
“Fellowship” tahpa zy ta paduapa vaw cha ta, atahma deikua cha Rahropa liata MEC local church mia 4 padua theipa a vaw cha haw. Chazy cha (1) MEC Local Church, Kuala Lumpur, Malaysia (2010); (2) MEC Local Church, Baltimore, Maryland (USA)- 2010) (3) MEC Local Church, Singapore (2010 (4) MEC Local Church, Australia (2011) zy a vaw cha. Rah hropa liata chhao a vaw dua lyma hra aw.

4. Cha leipa chhaota MEC Assembly ry liata Department nanopazy y holo ta, chazy lata azaona phapa hnei awpa chhao abyuh.
1. General Secretariat

2. Education Department
a. Lorrain Theological College & Mission Studies Centre, Yangon

3. Mission and Evangelical Mission
a. Evangelical Mission, Sittway
i. Khumi Evangelical Mission
2. Myo-Khami Evangelical Mission
3. Mru Evangelical Mission
4. Asho Evangelical Mission
5. Lemro Evangelical Church
6. Chinpone (a) Hletu Mission Field

4. Gospel and Culture
1. Mara Culture phapa pabosana

5. Service and Development Department
a. Centre Of Maraland Education (COME-Lialaipi)
b. Women Empowerment Unit (Sabyhpi)
c. Differently Abled (Hmotaotheina nano ahneipazy)
d. Integrated Rural Development …hpz

6. Krizyhpa No Py
a. Kyhpacha Hawtizy Deichhyna (Lialaipi)

7. Krizyhpa Thyutlia Py

nata a hropazy chhao hluhpi a vaw y laih ba aw.

He hawhta raihria chakaona chinanopazy a vaw kawh via lyma tita, MEC chhoh liata information sianopa thlai a pahnosa awpa abyuh ta, pachana pienazy, raihria chakaona abyuhpa achhonazy, alyna bie hlanazy. …hpz chata WEBSITE pha kawpa eima ngiah. He website heta cha Office liata eima Nopawzy ta Official kawpata ama vaw patohpatia aw.

Cha Website hnei hlata tlyma hnei khai tawh chhao raita, MEC awnanopazy pachana reina su cha awpata MEC Yahoo groups he tao awpa khona y ta, he he atahma vaw taopa a cha. He groups chhao he a hmazie thai kawpata hma thei ei sila, kho a chhih kaw aw.

He MEC GROUP HE

1. Phu (Py) nata phu (py) pachhiepahruna su cha aw vei;
2. Chi nata pho alyu leipazy pachhipahruna cha aw vei;
3. Mopakha nata pakha zachhihna pahleina, nopazyuna su cha aw vei;
4. Local church miakha nata miakha chakhiana su cha hra aw vei.
5. MEC Assembly nata Ary liata Committee biezy eima pahnosana su a cha aw.
6. MEC Dah nata Ryhpazy pananopa tlyma, taopathipa tlyma, hma khao lei
awpata thy hawpazy tlyma a pahnosa su a cha aw.
7. MEC Assembly ry liata a ypa Department tota ama thatih zawpi lata
pahnosa awpa ama khopazy pahnosana su a cha aw.
8. MEC Local Church tozy tawhta zawpi liata ama pahnosa khohpazy
pahnosana a cha aw.
9. MEC Awnanopazy lata pachana piena, thapatlona, hlaotlohna daihti
liata alykheina, pacharoh nopopazy thlapalohna, bao ngiahpazy bao thei
awpata pahrana su, nata Khazohpa biephuana su a cha aw.
10. He groups liata article tlyma, thatih peimawh viapazy tlyma,
sermon tlyma, seminar paper tlyma, nata

Member chana
1. MEC Assembly Nopawpa zydua
2. MEC Assembly ry liata a ypa department, local church zy ID eihpa
ama hnei khiah;
3. MEC Pastor nata Macha ID a hneipazy
4. Member a cha khohpa MEC sahlaozy

Alyna bie hlana
1. MEC1907@yahoogroups.com vaw pahytuhpa nata MODERATOR miah
chapatuhpa Macha Cho U (Hyutuhpa, MEC Local Church, Baltimore,
Maryland) cho liata alyna bie eima hla.
2. Member chana a vaw pazaotuhpa zydua cho liata chhao eima cha ly.
3. Eima awnanopa thatih vaw reihtuhpa zydua lata eima cha ly.

He group chochah liata pachana phapa a pie khohpa maih cha ahyrai ta Moderator lata tlyma, group liata tlyma palasa theipa a cha hra aw.

Krista Moh deita ronah chai mawh sy.

L. B. Siama
Principal
Lorrain Theological College
Yangon